14

”ყველგან პოლიცია –
არსად სამართალი!“

„რომ არ განსაჯო და ან დაგმო დანაშაული, ეს იქნებოდა დაუსჯელობის ხელშეწყობა და გარკვეულწილად, თანამზრახველად ქცევა“ – წერდა ბორხესი არგენტინის სამხედრო ხუნტის სასამართლო პროცესის შემდეგ, რომლის სრულ ვერსიასაც ამ ნომერში წაიკითხავთ.

უამრავ პოლიტიკურ პატიმართან ერთად, რომლებიც არაადამიანური წამების მსხვერპლი აღმოჩნდნენ, საქართველოს კოლაბორაციონისტმა მთავრობამ – რუსულმა რეჟიმმა ქართველი პოეტები ზვიად რატიანი და თორნიკე ჭელიძეც აწამა.

არასოდეს დაგვავიწყდება შემზარავი ვიდეო კადრები – შავი, ბნელი მასა როგორ იპყრობს და უსწორდება ქართველ პოეტს, რო­მელიც ამ სიბოროტის აღელვებულ ზღვაში განათებული იალქანივით მიაპობს უკუნ სიბნელეს.

წამებით, ტკივილით, მაგრამ ზვიად რატიანივით მედგრად და ბრძოლით – ჩვენც ასე გავაღწევთ ამ სიბნელიდან, კუნაპეტი ზღვიდან და აუცილებლად გავალთ სამშვიდობოს – ჩვენი ქვეყნის გამარჯვების სანატრელ ნაპირებთან.